Ons was maande lank weg gewees. Letterlik. Eers was ons Suid-Amerika toe en daar het die werk ons omtrent dag en nag besig gehou. Daarna het ons skaars terug gekom en Derrick moes eers Europa en daarna na die UAE toe.
Vir die volgende paar maande behoort dit rustiger te gaan en kan ons weer ‘n roetine vind. Derrick is reeds terug na die spreekwoordelike soutmyne toe en ek klim volgende week weer agter die juk in.
Dankie aan al die besoekers wat kom inloer het hier terwyl ons weg was.
Caty
NS: Ek spoeg en plak die inhou van die bladsy “Oor Sexyafrikaans.com” hier onder:
Daar is mense wat nie hou van hygliteratuur/erotiese stories nie en daar is ook diegene wat meen dit is sonde. Dit is hulle reg om so te dink en te meen. Uit die aard van die saak, is Sexy Afrikaans dan nie vir hulle nie.
Nie een van ons het al voorheen ‘n Twitter-rekening gehad nie en ons het een opgestel, al is dit met stampe en stote. Ons volg meestal Engelse Twitter-gebruikers om darem iets op ons profiel te hê, en het een of twee volgelinge.
So van Engels gepraat, ons het ook agtergekom ons is besig om te verengels, en moet soms mooi dink wanneer ons hygliteratuur skryf. Ons het besluit om ons erotiese stories in Afrikaans te skryf, want Afrikaans is tog ons moedertaal en daarby is Afrikaans ‘n mooi taal en ‘n taal wat ook sexy kan wees.
Ons glo nie daaraan om inhoud te steel of te gaps of permanent te leen nie. Die sexy foto’s wat op Sexy Afrikaans reeds geplaas is en wat geplaas gaan word, is of deur ons self geskep, of ons het toestemming om dit te gebruik. Baie modelle poseer naak, maar wil nie hê dat hulle gesigte sigbaar is nie. Ons respekteer dit.
Die hygliteratuur by Sexy Afrikaans is alles oorspronklik, alhoewel sommige geïnspireer kan wees deur bekende verhale soos die van Rooikappie. Jy het reg gelees, Rooikappie. Ons gaan ook baie erotiese sprokies skryf, vir volwassenes natuurlik.
Hoeveel onse is in ons pond? Twee. Ons is ‘n heteroseksuele paartjie wat saam werk aan Sexy Afrikaans en saam die stories skryf. Ons skryf nie net stories nie, ons geniet seks self ook vreeslik baie! Om saam erotiese stories uit te dink en te skryf is ook ‘n heel nuwe pad van seksuele ontdekking vir ons. Ons geniet dit!
Afrikaans het ook baie (lekker) vloekwoorde. Woorde soos naai, poes, doos, piel en kont. Waar toepaslik, gaan ons van die lekker woorde gebruik. Ons glo nie daaraan om ‘n swak storie reg te ruk met vloekwoorde nie, maar onthou hygliteratuur bestaan nie wetenskaplik en klinies in ‘n laboratorium nie.
Dit, in kort, is Sexy Afrikaans. As jy daarvan hou, kom loer gereeld in. Indien jy vrae het of sommer net wil “Hallo” sê, stuur vir ons ‘n briefie by [email protected]
Die enigste bydraes wat ons tans sal oorweeg is GLBTQI erotiese stories.
Welkom terug. Ek geniet julle webwerf baie.
Die Afrikaans vir UAE is VAE.
Gaan julle een of ander tyd geld vra vir toegang tot Sexy Afrikaans?
Hi Altydlus, ons het nog nie eers daaraan gedink nie. Sexy Afrikaans het ‘n paar advertensies wat so nou en dan sorg vir ‘n koffie of ‘n koue een.
As ons maande weg is omdat ons besig is, dan is dit so. As ons gereeld inskrywings plaas en daar is mense wat dit geniet, dan is dit goed.
Sou ons inskrywingsgeld vra, dan word ons gebind om te presteer. Nou is ons vry en ons het Sexy Afrikaans begin omdat ons dit geniet en omdat sosiale media soos Facebook nie geskik is vir ons klas inhoud nie.
Ja, Altydlus, ons gaan R1,000,000 per dag begin vra. Moenie na Derrick luister nie, betaal solank ‘n maand se geld oor. 😛
Dit is n fantastiese blad. Hou daarvan. Jul is tops.